ಪುತ್ತೂರು ಪಾಂಗಾಲಾಯಿ ಶ್ರೀ ಮುಂಡ್ಯತ್ತಾಯ ದೈವದ ಪ್ರಾರ್ಥನೆ.



ಸ್ವಾಮೀ ರಾಜನ್ ದೈವನೇ ಪರಿವಾರ ದೈವಲೇ, ನಾಗ ಸುಬ್ರಾಯ ದೇವರೇ , ದಿ. ೧೧ನೇ ರವಿವಾರ ೨೦೧೦.

ಕಾಲಾದಿ ಪೋಂಡು ವರ್ಷಾದಿ ಬತ್ತಂಡ್. ವರ್ಷಾದಿ ಪೋಂಡು ಕಾಲಾದಿ ಬತ್ತಂಡ್. ಈ ನಭೊ ಮಂಡಲಡು ಸೂರ್ಯದೇವೆರು ಉದಿತ್ತ್ ದ್ ಬತ್ತ್ ದೇರು. ಇನಿತ್ತದಿನ ಒಂಜಿ ಪುಣ್ಯಕಾಲಯೆಂದೇ ತೆರಿಯೊಂದಾ.. ಈ ಅಮೂರ್ತಗಳಿಗೆಡ್ ಪುತ್ತೂರುದ ಯೆಳ್ನಾಡ್ ಸೀಮೆದ ಶ್ರೀ ಮಹಾಲಿಂಗೇಶ್ವರ ದೇವೆರು ಅಂಚನೇ ನಮ್ಮ ಕುಟುಂಬದ ದೈವ ದೇವೆರ್ನ್ ದುಂಬು ದೀವೊಂದು, ಬಲ್ನಾಡು ಉಳ್ಳಾಲ್ತಿನ್ ಸ್ಮರಣೆ ಮಾಲ್ತೋಂದು ಜಾಗೆಡ್ ಇತ್ತಿನಂಚಿತ್ತಿನ ನಾಗ ಸುಬ್ರಾಯ ದೇವೆರು, ರಕ್ತೇಶ್ವರಿ, ವರಾಹಮೊರ್ತಿ ಪಂಜುರ್ಲಿ, ಅಂಚನೇ ಅಪ್ಪೆ ಕಲ್ಲುರ್ಟಿ, ಪರಿವಾರ ಪೊಟ್ಟನ್ನ್ , ಬಂಟೆ ಗುಳಿಗ ನೆಲೆ ಯಾಯಿನ ಈ ಕ್ಷೇತ್ರದ ರಾಜನ್ ದೈವ ಮುಂಡಿತ್ತಾಯ ದೈವ ಮಾತೆರ್ನಲಾ ಸಿತ್ತೆಲಿಪ್ಪಾವೊಂದು ಪಾಂಗಲಾಯಿ ದ ಮಣ್ಣದ ಭಕ್ತರ್ನಾಕುಲೂ ಸೇರುದು ಪ್ರಾರ್ಥನೆ ಮಾಲ್ತೋನ್ನುವಾ...
ಈ ಕಾಲದ ಆದಿಡ್ದ್ ನಡೊತ್ತೊಂದ್ ಬತ್ತೊಂದಿತ್ತನ ನಿನ್ನ ತಂಬಿಲಾದಿ ನೇಮ ಸೇವೆಲು ಶಾಸ್ತ್ರ ಪ್ರಕಾರ ನಡತ್ತೋಂದು ಬತ್ತಿನಂಚಿನವು ಯೆಂಕ್ಲಗ್ ತೆರಿದೊ ತೆರಿಯಂದನೇ ಉಂತುದೇ ಪೋತಿತ್ತುಂಡ್. ಅಯಿನು ನಿಕುಲು ನಿಕ್ಲನ ಶಕ್ತಿ ಸಾಮರ್ಥ್ಯೊಡು ಗುಡಿ ಕಟ್ಟಾದ್ ಕರಿನ ರಡ್ಡು ವರ್ಸಡ್ ನಿಕ್ಲೆಗ್ ಬೋಡು ಬೋಡಾಯಿ ಲೆಕ್ಕ ನೇಮ ನೆರಿನ್ ನಡಪ್ಪಾವೊಂದುಲ್ಲಾರು.

ಯೆನ್ಕಲೆನ ಪೂರ್ವ ಹಿರಿಯಾಕುಲೆ ಕಾಲೋಡ್ದ್ ಈ ಪಾಂಗಲಾಯಿ ಮಣ್ಣುಡು ನೆಲೆ ಯಾಯಿನ ನಾಗಸುಬ್ರಾಯ ದೇವೆರೇ.... ಅಂಚನೇ ನೆಲೆ ಯಾಯಿನದೈವಲೇ...... ಈ ಕ್ಷೇತ್ರದ ರಾಜನ್ ದೈವವಾಯಿನ ಮುಂಡ್ಯತ್ತಾಯ ದೈವನೇ........ ದೇವಸ್ತಾನ ಇದ್ಯಾಂದಿ ಪೊರ್ತುಗು ದೇವರಾದು ಕಾಪುನ ಶಕ್ತಿ ಸ್ವರೂಪ ನಿಕ್ಲು .. ಪಂಡದ್ ಎಚ್ಹರಿಕೆ ನುಡಿ ಕೇಂಡೊನ್ತಾ. . ಜಾತ್ರೆಗೆ ಸಮನಾಯಿನ ನೇಮ ಮಲ್ಪಾವೊನವೇ... ಪಂಡಿನ ನುಡಿಗ್ ಸರಿಯಾದು ಊರು ಊರೇ ಸೇರುಲೆಕ್ಕ ಗೌಜಿ ಗಾಂಭೀರ್ಯಡು ಎಂಕಲೆನ ಕೈಟ್ ನಿಕ್ಲೆಗ್ ಬೋಡಯಿಲೆಕ್ಕ ಉತ್ಸವ ಮಲ್ಪಾವೊನ್ಲೇ. ಉಂದು ಯೆಂಕ್ಲೆನ ಸೇವೆ ಪಂಡುದು ಈ ಕ್ಷೇತ್ರಡು ದುಂಬು ಉಂತೊಂದಾ....

ನಿಕ್ಲು ನೆಲೆ ಯಾಯಿನ ಈ ಕ್ಷೇತ್ರದ ಭೂಮಿನು ಶುಧ್ಧ ರೂಪಡು ಕಾಪಾಡೊಂದು ಬರಿಯಾರ ಪತ್ತು ಸಮಸ್ತೆರ್ನ ಒಂಜಿ ಕಮಿಟಿ ಆವೊಡಾತುಂಡು. ಅಂಚನೇ ಇನಿಮುಟ್ಟ ನಡಪ್ಪಾಯಿನ ಸಮಿತಿನು ಬರ್ಕಾಸ್ತು ಮಲ್ತುದು ಪೊಸತಾದು ಸಮಿತಿಗು ಈ ದುಂಬುದ ಲೆಕ್ಕನೇ .... ಸಮರ್ಥರಾಯಿನ ಭಕ್ತರೆನು ತೋಯಿಪ್ಪಾದು ಕೊರೊಡು. ನಿನ್ನ ಎದುರು ಮಾಲ್ಪುನ ತೀರ್ಮಾನಡು ವಾ ವೊಂಜಿ ಬಿನ್ನಾಬಿಪ್ರಾಯ ಆವಾಡು ಮನ ಕ್ಲೇಶ ಬರಾಂದಿಲೆಕ್ಕ ಆವೊಡಾಯಿನ ಜಾಗೆ ದ ರೆಕಾರ್ಡ , ಸಭಾ ಮಂಟಪ, ಮಾರ್ಗ ವರ್ಷಾವಧಿ ತಂಬಿಲಾದಿ ನೇಮ ಶಾಸ್ತ್ರೊಕ್ತವಾದು ನಡಪ್ಪಾದು ಕೊರೋಡು ಪಂಡುದು ಪತ್ತು ಬಿರೆಲು ಕೈ ಜೋಡಣೆ ಮಾಲ್ತೋಂದು ತರೆ ಕಂತ ಪಾಡುದು ಪ್ರಾರ್ಥನೆ ಮಾಲ್ತೊಂದುಲ್ಲಾ.

ಇನಿ ಎಂಕ್ಲ ಪಂಡಿ ಪಾತೆರಡು ಆವಾಡು, ಸೇವೆ ಕೆಲಸಾಡವಡು ಒಪ್ಪ ತಪ್ಪು ಬತ್ತುದಿಪ್ಪು.ಬತ್ತುದುಲಾ ಪೋವು.. ಜೋಗೆ ಮಾನವೆರು ಎಂಕ್ಲ. ನಿಕ್ಲೋ....ಈ ಲೋಕ ದ ಮಹಾ ಶಕ್ತಿ ಸ್ವರೂಪ.. ರಾಜನ್ ದೈವನೇ ಈ ಪಾಂಗಲಾಯಿ ಮಣ್ಣದ ಋಣ ಇತ್ತುದು ಕೇಂಡೊಂದುಲ್ಲಾ... ಏಂಕಲು ಬಿತ್ತುನ ಬುಳೆಟ್ಟಾವಡು, ಮರತ್ತೊ ಫಲಟ್ಟಾವಡು, ನಾಲು ಕಾರುದ ನಡೆಟ್ಟಾವಡು, ಕೈ ಕಂಜಿಲೆಗಾವಡು ತತ್ವಾರ ಬರಂದಿಲೆಕ್ಕ ತೂವೊನ್ಲಾ.ನಂಬು ಬರ್ಪಿ ನಂಚಿತ್ತಿನ ಈ ಭಕ್ತ ಜನಕ್ಕುಲೆನ ಕುಟುಂಬೊಡು, ನೆರೆಕರೆತ್ತಾಗ್ಲು, ಗ್ರಾಮ ಗ್ರಾಮ ಗಾವೊಡು ನ್ಯಾಯ ಪಾತೆರ ಬರಂದಿಲಿಕ್ಕ ಧರ್ಮ ದೈವವಾದು ಉಂತುದು ಆರೋಗ್ಯ ಸುಖ ಸಂಪತ್ತು ಭಾಗ್ಯಾದಿ ಕೊರೊಡು .

ಅಂಚನೆ ಇನಿ ಆಪುನಂಚಿ ಸಮಿತಿದ ಮಾಂತ ಕೆಲಸ ನಿರ್ವಿಘ್ನವಾದು ನಡಪವೊಡು. ಪುತ್ತೂರು ಶ್ರೀ ಮಹಾಲಿಂಗೇಶ್ವರನ ದಿವ್ಯವಾಯಿನ ಸನ್ನಿಧಿಡು ಈ ಪಾಂಗಾಲಾಯಿ ಮಣ್ಣುಡು ಕಾರಣಿಕದ ಧರ್ಮ ದೈವಾಂದು ಪನ್ಪುಡಾಲ ದೈವನೆ.. ಸಮಸ್ತ ಗ್ರಾಮಸ್ತೆರೆನು ರಕ್ಷಣೆ ಮಾಲ್ಪೊಡು ಪಂಡುದು ಪ್ರಾರ್ಥನೆ. ಸ್ವಾ...ಮಿ.... ದೈವನೆ.....>


ಸಲಹೆ : ಶ್ರೀ . ಶಶಾಂಕ ನೆಲ್ಲಿತ್ತಾಯ.